Loftræsikerfi fyrir heimili og vinnustaði

Loftræsibúnaður sem bætir loftgæði og þar með lífsgæði. Ventum veitir lausnir fyrir heimili, bæði í eldra húsnæði eða nýbyggingar. Einnig vandaðar lausnir fyrir fyrirtæki og stofnanir.

Sérhannnaðar loftræstilausnir

Fáðu kerfi sniðið að þínu heimili. Við vinnum með hönnuðum frá framleiðandanum Flexit til að tryggja rétt loftmagn, góða orkunýtningu og lágt hljóðstig. Hafðu samband til að fá lausn sérsniðna að þínum þörfum.

Við erum Ventum

Ventum býður uppá vandaðan búnað sem virkar og vill vera leiðandi í loftræsilausnum á Íslandi. Árangursríkar lausnir fyrir heimili, fyrirtæki og verktaka. Við sérhæfum okkur í orkunýtni og gæðum sem tryggja betri líðan og hreint loft.

Heimili

Loftræsilausnir fyrir heimili sem tryggja hreint loft og orkusparnað, útfært til að passa í öll húsnæði.

Atvinnuhúsnæði

Loftræsikerfi fyrir fyrirtæki og stofnanir sem tryggja góð loftgæði og stuðla að betra starfsumhverfi.

Ferlið að sérsniðnu loftræstikerfi

Við vinnum að sérsniðinni útfærslu á loftskiptakerfum með Flexit í Noregi. Útfærslan miðar að því að tryggja rétt loftmagn á lágu hljóðstigi. Gögn eru á formi teikninga og þrívíddarlíkans.

Síur í áskrift

Ventum fylgir öllum seldum kerfum eftir með sölu á síum og bíður upp á síuáskrift. Framleiðandi mælir með síuskiptum einu sinni á ári að lágmarki.

Fróðleikur

Mismunandi aðferðir við loftræsingu

Fjárfestu í góðri og hagnýtri loftræsingu til að hugsa um eigin heilsu og heilnæmi heimilisins. Hér segjum við þér frá þremur mismunandi aðferðum við loftræsingu og hvernig jafnvægisstillt loftskiptakerfi með varmaendurvinnslu getur hjálpað þér að ná betri loftgæðum og spara orku.

Afhverju loftskiptakerfi

Vísbendingar eru um að loftræsivenjur íbúa hér á landi hafi breyst þannig að gluggar eru minna opnaðir nú en áður. Einnig er borgarumhverfið stöðugt að verða skjólsælla vegna aukins gróðurs sem dregur úr loftskiptum vegna náttúrulegrar loftræsingar. Á sama tíma hafa kröfur neytanda um loftgæði og þægindahitastig heimila aukist. Þessir þættir verða til þess að stýrð loftskipti verða nauðsynleg.

Kröfur í Svaninum

Algengt er að loftskiptakerfi séu sett upp í byggingum sem á að Svansvotta til þess að ná orkukröfu (O4. Energy consumption of the building). Í raun má segja að erfitt sé að ná þessari kröfu án loftskiptakerfis með varmaendurvinnslu. Í þriðju útgáfu af Svanvottunarkröfunum, sem gildir til september 2024, er farið fram á að orkunotkun verði minni en 160 kWh/m2 á ári. Til þessa að reikna út orkunotkun bygginga þarf að nota hermilíkön svo sem IDA ICE, þar sem taka þarf tillit til breytilegra aðstæðna utandyra.

Uppsetning á loftskiptakerfi á köldum svæðum - Niðurgreiðsla

Langflest hús á Íslandi eru hituð upp með jarðvarma en á köldum svæðum er almennt hitað upp með rafmagni. Ríkið greiðir niður raforkukostnað hjá íbúum kaldra svæða því töluvert dýrara er að hita upp hús með rafmagni en jarðvarma.

Varmadælur og loftskiptakerfi með varmaendurvinnslu

Loftskiptakerfi með varmaendurvinnslu loftræsa rými án þess að kæla þau niður. Þannig helst jafnt hitastig í rýminu á meðan ferskt temprað loft berst inn ólíkt því þegar gluggi er opnaður og ferskt loft sem er oftar en ekki kaldara en inniloftið berst inn.

Loftskiptakerfi með síum

Síur í loftskiptakerfum verða til þess að minna af loftbornum ögnum og óhreinindum í útilofti berast inn við loftskipti. Agnir í útilofti eru til dæmis svifryk og frjókorn. Auk þess kemst lúsmý ekki í gegnum síurnar. Með því að sía óhreinindin úr útiloftinu við loftskipti er komið í veg fyrir að þau berist í inniloft og berist innvortis við öndun.